清境農場﹣乳油木綿羊油精華液 SHEEP'S Oil Essence

講到台中嘅清境農場，大家會諗起啲乜？一隻隻綿羊？城堡定係落唔停嘅雨？除左靚如仙境嘅環境同可愛羊咩咩，HiKO仔仲有超級大發現！

清境農場自家推出嘅護膚品系列，絕對係好吸引嘅手信選擇，我就買左佢支乳油木綿羊油精華液返黎試下～

外盒包裝有清境農場嘅logo

60ml，精華黎講唔算細支

開左蓋之後仲有一個膠頭，唔怕手快倒得太多^^

透明水狀質地，冇香味

乳油木綿羊油精華液

功效：
植物精華所組成，對缺水、粗糙肌膚具有滋養及修護乾荒作用，能夠幫助肌膚維持滋潤與光澤，讓肌膚維持水潤。

成分：
綿羊油、乳油木果油、燕麥萃取、維生素B3

HiKO仔用後感：
起初倒出黎見到係流質水狀都有啲擔心唔夠保濕，但試完立即改觀，保濕效果非常唔錯！配合返自己日常使用嘅護膚品，保濕效果同持久度明顯上升，上妝亦貼服好多，出油情況減少，唔會攪到溶妝，而且冇任何香味，怕韓國護膚品香味太濃嘅sis就啱晒。連續使用幾日已經見到皮膚缺水有改善，亦冇咁粗糙，值得推介比大家！

Holika Holika Wine Therapy Sleeping Mask - White Wine 白酒睡眠面膜

冬天將至，天氣開始乾燥，除左paper mask，唔少女仔都愛用睡眠面膜保充水份，而且每日坐係冷氣房，皮膚同樣會變得乾燥，更加唔可以忽略保濕嘅重要性。

前排收到朋友送嘅Holika Holika Wine Therapy Sleeping Mask，貪靚嘅HiKO仔當然要即刻試下啦！

韓國化妝護膚品一向包裝精美，呢款sleeping mask亦唔例外，酒桶設計好特別。

深層保濕，美白養顏，舒緩疲勞

白酒睡眠面膜是美白睡眠面膜，使用有機藥草水作為MULTIFRUIT BSC。果酸混合阿爾法羥基酸的天然來源，可以使細胞更新，緊實和舒緩皮膚。MULTIFRUIT BSC五個植物萃取物：越桔，甘蔗，糖槭，橙，檸檬。 提取物含有天然存在的α-羥基酸。阿爾法羥基酸已被證明能促進增加細胞更新的速度更順暢。

外盒包裝都好有心思，分別有英文，日文同中文注解。

120ml嘅mask份量十足，瓶口密封，保持衛生。

打開後濃濃嘅提子味即刻湧出黎。

質地介乎gel同milk狀之間，好易推。

用後感：

Sleeping mask一向係我必備嘅護膚品，因為實在太方便，Holika嘅白酒睡眠面膜亦令我一試愛上，質地易推，易吸收，不過因為係mask，始終會有少少黏黏地，但可以接受。

第二日起身明顯皮膚唔乾，keep住用面色白淨平均左，上妝亦比平時貼服，保濕效果比起我之前試過嘅其他牌子更好。唯一美中不足嘅係，提子味實在太濃，搽左瞓覺感覺會有d奇怪，如果怕濃味嘅sis就要試下味道接唔接受到先喇。

Delight Color Max

有sis問HiKO仔係用咩牌子既color con，答案係Delight Color Max (^_-)

我用嘅係每月即棄款，另外佢都有出one day款，顏色會多啲選擇。Delight標榜無感鏡片設計，令鏡片表面平滑貼服，配戴後更感覺舒適。漸變色彩加特大環圈設計，寬闊無顏色中心光學區，令視野更清晰，增加美麗動人眼神。

外盒包裝

月棄有5隻色，HiKO仔用嘅係啡色。

戴左啡色之後感覺都幾自然，好多人都話唔留心睇唔覺戴左color con

HiKO仔都有試過佢既灰色，不過對於我黎講太深色，因為我本身瞳孔比較淺色，變深左唔係好慣，但有見過其他sis試過效果唔錯。

用左呢個牌子都已經有一斷長時間，比起one day acuvue，Delight薄身透氣好多，保濕都ok，基本上戴足一日都冇問題，亦都好易除，唔會啜實隻眼，之前用one day acuvue試過啜實除唔到con，都咪話唔驚。

另外就係Delight係眼鏡店賣，比起出面好多款周街都有得賣仲要唔知係咪正貨穩陣好多，起碼戴得安心啲。

Basic Makeup Class 小組基礎化妝班

之前舉辦嘅小組基礎化妝班，好開心有機會同大家share我嘅扮靚心得，有咁多人支持HiKO仔都好興奮啊！！

因為係基礎班，所以就教大家化一個快靚正，自然又keep到全日嘅清爽日妝，等大家日日返工出街都有好氣息～

當日為同學仔準備左好多化妝品啊

我嘅可愛model

差唔多化好啦～

當日所有同學仔都好專心啊～HiKO仔真係好開心

完成^ ^

到同學仔嘅實習時間，所有人都把握時間努力，務求將學到嘅技巧熟習運用

多謝當日義務靚靚攝影師，幫我影左好多靚相呢

清爽淡妝，最啱平時返工去街，而且無論係邊種類型嘅小美女都適合

各單次小組化妝班會每月不定期舉辦，因為HiKO仔實在太忙啦(-｡-;
有興趣報讀嘅sis歡迎查詢 Email: hikobabelove@gmail.com

搬新家

係Yahoo blog都寫左好多年，雖然真係好間唔中先寫一篇，但突然要搬屋都幾唔慣。

但結束＝開始，以後就好好係新家發展發展、舒發舒發。。。

新家第一篇blog文，果然都係用黎悼念舊居，但因為係新開始，所以所有舊文都冇搬過黎，其中有啲文，可能HiKO仔會重新寫，又或者。。只能懷念了(-｡-;

另外，facebook page會繼續正常運作，請大家繼續多多支持http://facebook.com/hikobabelove